Bie der daipswoale en tussen het rait
Doar moggen joe nait kommen, want het deugde d'r nait
De boesjeude woon doar, dei pakt die bie't bain
Dat muik joe zo bange en d'r huilp joe gain ain

En 's oavends op bere, dan kregen je 't nebaauwd
Van aine dei stiekem deur het toenpadje sjaawd
Dan bonkte joe'n haart en waren nat van het zwait
Joen oadem ston stille, moar moeke kwam nait

Bange, wat muiken zie ons toch bange
Deur oal dat gespook juigen zie ons zo op stang
Oal dei nore dreumen, joa wat ain verdrait
En alle grode minsen dei begrepen ons nait

En ha'je wat uutvreten, dan kwam je in 't hok
Kregen je brood mit zaibe want doar hadden ze gain kok
En ha'je ooit logen, nou dan mos het er uut
Joen pinkie wui vuilt en de woarheid kwam uut