¿Ima phuyun jaqay phuyu

Yanayasqaj wasaykamun?

Mamaypaj waqayninchari

Paraman tukuspa jamun

Tukuytapis inti k'anchan

Noqayllatas manapuni

Tukuypajpis kusi kawsan

Noqay waqaspallapuni

Pujyumanta aswan ashkata

Má rejsispa waqarqani

Mana pipas pichaj kajtin

Noqallataj mullp'urqani

Yakumanpis urmaykuni

"Yaku, apallawayña", nispa

Yakupis aqoykamuwan

"Riyraj, mask'amuyraj", nispa

Paychus sonqoyta rikunman

Yawar qhochapi wayt'asqán

Khishkamanta jarap'asqa

Pay jinallataj waqasqan