PĂĄgina inicial > P > Polo Hofer > Warehuus Blues

Warehuus Blues

Polo Hofer


Jede Morge lÀchlisch du mi drÀckig aa
mit dyne Plexiglasouge u dym Reklame-Blabla
Du bisch so nÀtt zu mir, du bringsch mer dr Schmuus
u ohni dass i's merke, tuesch mer die letschte Chole druus


Du chasch aus, du weisch aus, du hesch nume Guets im Sinn
Du seisch mer, was i söll choufe, bi dir bini gÀng "in"
Uf dyni schöni PlastigwÀut wird me schaluus
Dy Art eim fertig z mache, macht eim ganz konfus


Oh, du nimmsch ds GĂ€ud vo allne, du behandlisch alli glych
Nume d BĂŒezer machsch no Ă€rmer u dy Chef machsch no meh rych
MĂ€ngisch wĂŒnsch i im Stille, du flĂŒgisch bald i d Luft
samt dyne Neonröhre u dym schyssige ParfĂŒmduft


Ah, i gseh di jede Tag, du gönnsch mer kei Rueh
Du bisch gÀng so gschÀftig, am liebschte hani di zue
I weiss, du chunnsch gross use, du chunnsch druus
u nume wÀge dir - hani dr Warehuus Blues

Encontrou algum erro na letra? Por favor, envie uma correção >

Compartilhe
esta mĂșsica

Ouça estaçÔes relacionadas a Polo Hofer no Vagalume.FM

MIX DE MÚSICAS