Use A See

Polo Hofer


Use a See


Ja ds WĂ€tter stimmt u d'Sunne schynt
Morn isch Sunntig, was wosch no meh.
So ne schöne Tag, das isch kei Frag
HĂŒt houe mir's use a See!


I bi gebore am Fluss u grad wie dÀ Fluss
Zieht's mi gÀng abe zum See.
I ha scho als Chind tanzet im Wind
Bi dr SchifflÀnti dusse am Quai.
Und in ere Summernacht under e SchtÀrnepracht
Wo i de WĂ€lle gschpieglet isch gsy,
Ha mi verliebt zerschtemal i weiss no genau
Wo i no i d'Schuel gange bi.
Es isch no mÀngisch passiert, bi mÀngisch gschpaziert
Am UferwÀg Hand i Hand.
Jetz isch's wieder sowyt, chumm doch mit
Mir göh a ne sandige Schtrand.
Göh i d' Piratebucht nÀhme mit was es bruucht
Mir hocke i ds glyche Boot,
Ob ForĂ€lle ob Hecht, jede Biss isch ĂŒs rĂ€cht, M
Mir fische im Aberot.


Chumm mir fahre a See
S'isch Summer was wosch no meh
Es schtellt Di uf du wirsch es gseh
Drum chumm doch mit mir a See.
Oh lueg, dass du chasch cho
Du weisch, i fröie mi so
Es haut hÀre du wirsch es gseh
Mir fahre zÀme a See.


Mir sueche Holz u Papier
mir mache es FĂŒĂŒr
U blybe die ganzi Nacht da.
Mir boue es Fescht mit FrĂŒnde u Gescht
U Musig, das hei mir ou da.
Ds Banjo von Gipsy Joe, KĂŒre bringt ds Bongo
U Heiri nimmt d'Handorgle mit.
Hei Brot u Wurscht öpis gÀge Durscht
I sÀge Dir, es wird a Hit!


Chumm mir fahre a See
S' isch Summer, was wosch no meh
Es schtellt Di uf, du wirsch es gseh
Wenn mitchunnsch use a See.

Encontrou algum erro na letra? Por favor, envie uma correção >

Compartilhe
esta mĂșsica

Ouça estaçÔes relacionadas a Polo Hofer no Vagalume.FM

MIX DE MÚSICAS