Kiffer

Polo Hofer


I sÀge, wie geits dir
Ă€r seit s gliche zu mir
wo-ni neulich en Kolleg atriffe
Ă€r seit i be bass
i luege nĂŒmm id s Glas
i ha deför wieder afa kiffe

Mir hei ZĂŒĂŒg verzellt
ĂŒber Geist u GĂ€ld
wo-n-er seit, sorry, muess schnÀll go schiffe
wo-n-er zrugg chunt a d Bar
da isch s mir klar
er isch uf d Schissi eis ga kiffe

Do lĂŒĂŒtet mir e Dame a
öbi öppis mĂŒessi ha
i sÀge, wie söll i das begryffe
si seit, nid schĂŒĂŒch,
d Manne sy alli gliich
sie redi nid vo Sex, si rede vom Kiffe

I ha-n-es BsĂŒechli gmacht
i ha-n-es ChĂŒechli bracht
ha gluegt, dass i nid z spÀt ytriffe
wo-ni be ynecho
gits es grosses Hallo,
d Stube voll LĂŒt, und alli kiffe

Und de Wecker Konstantin het gseit
es liigi nömme drin
mit dem blöde Coci-Sniffe
es syg en Megaseich
es macht biireweich
er tĂŒeg jetzt nome no kiffe

Und au de Glauser Fritz
het i der grösste Hitz
die erschtbeschti GlÀgeheit ergriffe
isch mit der Fremdelegion
i d Maghreb-Region
go luege, öbs öppis gÀb z kiffe

Si hei es MĂ€tschli ghaa
i dr Nati A
Do hei-si dr MittelstĂŒrmer uspfiffe
und zwor will dÀÀ
hÀt e Penalty vergÀÀ
nochdemm er ir Pouse isch go kiffe

I dr ModÀllagentur
isch dr PrÀsseschÀff suur
und zwor wÀg dr Claudia Schiffer
will i dr Zyttig stÀit
sy heigi schiinbar gsÀit
sy sig e fröhliche Kiffer

Encontrou algum erro na letra? Por favor, envie uma correção >

Compartilhe
esta mĂșsica

Ouça estaçÔes relacionadas a Polo Hofer no Vagalume.FM

MIX DE MÚSICAS