refr.:
Carnaval in 't noorden, dat is 'n feest mit pit
Van Veendam noar Olle Pekel, elkenain dut mit
Van Hoogezand tot Sappemeer
Van Gronnen tot an stad
Elkenain (elkenain)
Elkenain gaait plat

Het gaait nait aal te best mit de grunneger FC
Moar dat ligt an 't seizon en dat wordt wel weer okee
Moar zo rondom carnaval din kriegen ze smoak te pakken
En dai aandere voetbalclubs dai kinnen goan zakjes plakken

refr.

De oom van Rooie Rinus is buschauffeur in de stad
As hai over Grode Maarkt scheurt goan alle fietsers plat
Ierst had e ain te pakken in de buurt van V&D
En alle mensen in de bus dai zongen toun tevree

refr.

Oom Rieks en tante Greta oet Oosterhogebrug
Dai mozzen ains noar stad tou en doarnoa ook weer terug
Ze stonden op Zuderdaip in hun dikke slee
Oom Rieks zee "hou in hemelsnoam kommen wie bie V&D"

De zesde keer op 't Zuderdaip zee Greta tot heur man
"Man dat is gain doun hier mit dat curculoasieplan
Van al dai domme pielen road ik doaneg in de war
Ik koop veurtoan mien pinda's weer gewoon bie onze Spar"

refr.(2x)

Lutje Jan
Olle Kloas
En din nog netuurlek de overbuurvraauw
Van mien zwoager zien dochter oet Wirdumerdraai
Dai kreeg in december al kriebel in 't gat
En is nou nog steeds an de zwier en de zwaai
En is 't nog laang nait zat
Hatsee