Normaal
Página inicial > N > Normaal > Albert En Josephien

Albert En Josephien

Normaal


Toen Albert 's margensvroeg veur dag en dauw van huus af ging
En hier en doar een nevelsluier in de weie hing
Dauwdroppels in de snor, de zon die had nog niet vol krach
't Was in de late meimaand, 't beloven een mooien dag

Met de schoffel an de fietse, ging hi-j rustig noar 't land
Roggebrood met keis gewikkeld in een olde krant
't Kanneken met koffie bengelen bi-j 'm an 't stuur
Hie was een richtig buutenmens van 't allereerste uur

Josephien, zien vrouw, die had 't huus al an de kant
Zie ging noar Albert toe die an 't werk was op 't land
Albert was goan zitten en at net een boterham
Hie vroeg of Josephientjen effen bi-j 'm zitten kwam

Zie vli-jen zich toen noast 'm neer en trok de rok iets op
Albert kek der schieluk noar en kreeg een rooie kop
Zie hadden nog gin kinder, moar zie dejen goed hun best
En niemand die hun doar kon zien, doar in dat lange gres

Dit Achterhoekse tafereel is jarenlang gelee
Toen alles nog gemuudelijk ging, de peerdetram nog ree
Zie kregen 12 kinder en die bunt alweer getrouwd
Moar op 't land woar Albert schoffelen ging
Doar wordt now flats gebouwd

Moar op 't land woar Albert schoffelen ging
Doar wordt now flats gebouwd

Encontrou algum erro na letra? Por favor, envie uma correção >

Compartilhe
esta música

Ouça estações relacionadas a Normaal no Vagalume.FM

Mais tocadas de Normaal

ESTAÇÕES
ARTISTAS RELACIONADOS