Leeveke

Johnny Blenco


Diech zags tege miech leeve sjat
Iech mot evekes naor de stad
Dus zet diech heij lekker de neer
Un haaf oor dan been iech d'r weer
Noe bis diech nog altied neet terok
Iech val heij haos zaat van de krok
Nog eve daan slot ut kaffee
En diech hobs mien portemenee

refr.:
Leeveke, bis diech miech vergete
Leeveke, dat wel iech gere wete
Iech zit al nege oor aon ut beffet
Iech laos al twelf kiere de gezet
Leeveke, bis diech miech vergete
Leeveke, dat wel iech gere wete
Iech mis dien werm erm um miene nek
Es diech neet gaw terok bis jao dan weur iech gek

Iech wet ut iech been vuil te laat
Iech trof un vriendin in de Staat
V'r zaoge us nao lange tied
En moste us eike 'ns kwiet
En veur iech ut wis miene jong
Ging haaf Mestreech euver de tong
Dat doorde zoen eurke of ach
Aon diech hob iech neet mie gedach

refr.

Es diech neet gaw terok bis jao dan weur iech gek

Encontrou algum erro na letra? Por favor, envie uma correção >

Compartilhe
esta música

Ouça estações relacionadas a Johnny Blenco no Vagalume.FM

MIX DE MÚSICAS