Refrein:
Vastelaovend is ein groate reünie,
dan zeen veer en zeet auch geer d'r jeeder jaor weer biej.
En jónk en auwt maak óngerein weer sjpas en gein, geine geit,
pès 't klökske achterein nog mer mit kleine bietjes sjleit.
Vastelaovend is ein groate reünie,
want dan treffe veer es vrunj ós ummer hiej.

Ich hawt van vastelaovend en weit geer doot dat auch.
Verleere veer ós door 't jaor soms waal 'ns oet 't aug,
mit vastelaovend zeen mien vrunj toch allemaol weer dao.
Auch es ich 'ns get laater kóm, tref ich ze veur en nao.

Joa, aan de vastelaovend höb ich mien hart verpandj.
Es door 't joar 'n vrundjsjap hiej en dao 'ns get verzandj,
want jeeder haet zien eige werk en eige tiedverdrief.
Veer gaeve ós mit vastelaovend ummer weer de vief.