Er war aus landshut und sei vater war a bauer
Und er wollt oiwal schon in die grosse stadt
Und mit an walkman, von sony is er loszog`n
Und in sein hos`nsack de letzt`n fufzehn mark

Er kimmt in ming`a oh, am bahnhof, on an sunndog
Do lernt er d`irmgard kenna` und de spritzt heroin
Am selb`n dog hot`s ea´m no` zoag`t wie man des macht
Und für zehn mark is er de gonze nocht bei ihr blieb`n

Er hot schnell g`lernt, wia ma` se durchschlogt, in da grosstadt
Er sitzt vorm kaufhof, mit an huat und bettl`t um geld
Und wenn d`irmgard abend`s durchgfickt in sei bett steigt
Dann tram`ans orm in orm von der gross`n wöid

Aber die träume sein schnell austräumt eines tages
Do kimmt de irmgard hoam und sogt, dass schwanger is
Und noch an schuss, und a paar schell`n,
Do hat sie`s gschnollt des kind muass weg,
Weil nea´mt woass wer da vodda is

Von tag zu tag wer`d irmgard jetzt a biss`al dicker
Und mit an bauch verdienst koa geld, drauss auf da strass
Oba koa paragraf, koa dokt`a helft, koa richta
Und für er`nan stoff hom de paar mark grod no g`longt

Zehn monat später kimmt in an kronk`nhaus in schwabing
Oan monat später a kind auf`d wöid, zwoa kilo z`leicht
Mit blaue fiass und roude aug`n und auf entzug
Hearst es vom bruatkost`n raus wochenlong bloss schrei`n

A kloana bua war`s gwen`d, drei monat is er alt word`n
Und de drei monat hot er bloss bettl`t, g`schrian und plärr`t
Schnell hom`s ihn `tauft, damit` de arme söö`l a ruah hot, he..
Aber der weigl und der papst, de zwoa ham nix g`hört
Schnell hom`s ihn `tauft, damit` de arme söö`l a ruah hot, he leit
Aber der weigl und der papst, de ham nix g`hört.