Nina ti te ricordi
Quanto che gh’avemo meso
Andar su sto toco de lèto
Insieme a fare a l’amor

Sie ani a fare i morosi
Strenzerla franco su franco
E mi che g’ero stanco
Ma no te volevo tocar

To mare che brontoava
Quando che se sposemo
E ’l prete che racomandava
Che non se doveva pecar

E dopo se semo sposai
Che quasi no ghe credeva
Te giuro che a mi me pareva
Parfin che fusse un pecà

E adesso ti spèti un fijo
E ancuo ea vita z’è dura
Talvolta me ciapa ea paura
De aver dopo tanto sbajà

Amarse no z’è no un pecato
E ancuo z’è un luso de pochi
E intanto ti Nina ti spèti
E mi son disocupà