Festeno

Esperanto Desperado


Babilo, klaĉoj kaj kokteloj.
Klukado de kutime seriozaj
patrinoj nun pozantaj kaj nervozaj.
Flirtemaj edzoj. Bagateloj.

Gestoj patosaj. Cigaredoj,
cigaredingoj, tintoj braceletaj.
Gaŭfo. Kontraktoj. Ŝercoj malĉastetaj.
Surbrakaj kvazaŭfrataj knedoj.

Kaj morgaŭ spleno kaj riproĉoj,
la tigra rondo de komercaj luktoj,
anima grizo, langoj raspaj, ruktoj,
pafado de enu-kartoĉoj,

kaj kunekzisto senpripensa,
la televido kaj denove spleno.
Morgaŭ. Sed ĉi-vespere la festeno,
kokteloj, iluzio sensa.

Encontrou algum erro na letra? Por favor, envie uma correção >

Compartilhe
esta música

Ouça estações relacionadas a Esperanto Desperado no Vagalume.FM

MIX DE MÚSICAS