refr.:
Hij heurde feilijk nargen bij
Det vuuld' hij onbewust
De wereld was vol onbegrip
Dus vund hij nargens rust

Hij trouwde heur begun april
't Was buten barre kold
't Was verkeerd, 't was een gril
Hij was nog niet zo old

refr.

Hij hol 't mar een paar jaor vol
Hij leup bij heur vandaon
Hij har van heur de neuze vol
Zij leut hum geern gaon

refr.

Hij trouwde veur de tweide maol
Allent vol ook niet mit
Een meense is gien holten paol
Waor gien gevuul ien zit

Mar det hol ook niet lange staand
Hij gunk er weer van deur
't Knelde hum, zoe'n vaste baand
Hij haatte heur gezeur

refr.

Hij trouwde veur de darde keer
Gewoon van narigheid
Een dochter van de domeneer
Een hiele schiere meid

Zien vrijheid was zien grootst bezit
De onrust zat ien 't bloed
Mar hiel allent vol ook niet mit
't Kwaamp mit hum nooit goed

refr.(2x)