Wuk is ne band zoender fans
Up ne dag lik vandoage
Of geliek wek een andere dag
Nu dak et mie afvroage
Wik zoe wieder moet’n doen
Tis lik de lotto zoender peoen
Of reclame voe de berca
Up en wèreld zoender skoen
Voe te begun’ zoet er ol niemand voe zenne radio zitt’n
Ze zien goan wandel’n of bezig met de kelder te witt’n
een of andere soaie activiteit voe de zundagachternoene
en niemand up de show
hèlegans nie te doene

Zoender fans gin bands
Zoender mie gin trends
Zoender sex gin kienders

Zoender gent gin gents
Enzovoarts en zoverder
Toet u sprikt uw’ne herder
De noam is flip kowlier
En ik bringe ier ten berde
Liedjes, shows, stunts en vieil mieir
Wuk zegt je ton ? Bedankt menieir
Nèe, gin dank, vanoavend zie giender de sterr’n
En nog vieil mieir van die zieik, ik ben ne hieil’n ergen

Ik zoen vele doen voe me fans
Want tis zieder die mie voarzien van de cens
En ofgezien doavan, ek der straf vele an
Tkomt ier up nere, zoender fans gin bands
Ik zoen vele doen voe me publiek
Want van zieder krieg ek live elektriek
En in ol de stroat’n kopen zieder de ploat’n
Zien zieder de pointe van hieil uzze muziek

Nu ja, in ol gevoal an iederiein merci
Van de marginale johns noa de besketen chichi
Tkan mie nie skil’n wat da gie ziet
Met wekken otto da je gie riedt
O je nu gèren no familie kiekt
Of fan ziet van brad pitt
Zolange da je der ziet voer oens
Zien wieder der ier voe gie
En moak’n we vette ploat’n
Voe hetero en bi
En oak nog voe de potters en de lèz’n overoal
Ik klienke mê mien glas
Allé santé en oak nog schol

Zoender volk up uw concert gerakt je nooit in de top tiene
Ôt er niemand u kent, volt er niet’n te verdiene
Je goat gin ploat’n verkoap’n, ge goat gin royalties verkriegen
Ge goat gin groupies binn’ndoen of noa de radio meug’n
Dus gin cens in hoap’n, gin cadillacs koap’n
Gin baldoadig gedrag lik otelkoamer sloap’n
Ge lat u best nie goan in decadent excess
Da kun je nie permitter’n zoender nationaal succes

Ik zoen vele doen voe me publiek
Want van zieder krieg ek live elektriek
En in ol de stroat’n kopen zieder de ploat’n
Zien zieder de pointe van hieil uzze muziek
Ik zoen vele doen voe me fans
Want tis zieder die mie voarzien van de cens
En ofgezien doavan, ek der straf vele an
Tkomt ier up nere, zoender fans gin bands

Langs den andere kant, wik zoej gieder doen met under drienkgeld
Moesten machtige groep’n lik oes miskien ên afgebeld
Ge zoe nie moet’n komm’n kieken noar oesne show in den ab
En nie stoef’n tegen u moat’n over oesne skône cd
Gin izzegem, gin êrman en oak gin rocky zev’ne
Ge zoe nie wet’n over wuk gekoet op u werk of int lev’ne
Tkomt uutindelijk goed uut da vedetten bestoan
Ge zoet anders nooit nie wet’n wo da je int weekend nu moe goan

Vô dak et ier verget’n, w’ên oak fans in Nederland
Int begun wast ginne vetten, mo nu ist an de bet’re hand
Ze zing’n ol mee, met de klank’n surtout
Kgoan doa nog vele goan spel’n, kben da nog lange nie moe
Van de 013, noa de verre vera
Nen boat in Amsterdam of e zoal in breda
Tis oltied gieistig, up zien minst gezeid tis voe tavontuur
Moe we geroak’n doa nie droenke, want da bier is obscuur

Ik zoen vele doen voe me fans
Want tis zieder die mie voarzien van de cens
En ofgezien doavan, ek der straf vele an
Tkomt ier up nere, zoender fans gin bands
Ik zoen vele doen voe me publiek
Want van zieder krieg ek live elektriek
En in ol de stroat’n kopen zieder de ploat’n
Zien zieder de pointe van hieil uzze muziek


(c) 't hof van commerce