't Hof Van Commerce

Oljinne

't Hof Van Commerce


ei, tes oltid tzelste, kennet wel, fjistje ier fjistje doar em belln eur belln teure moar tes ni roar
guestliste, backstage, drankbons, frontstage, soundcheck, mjir stemn, mjir beats, mjir base
en ton nog zeggn dakket oltid ol geweten i,
en ton nog zeggn dak ier oltid ol gezeten i,
en ton nog zeggn daj mie vroeger utgeskeetn i,
en ton nog zeggn dakket nwujt niemand verweten i

oame ipt einde van nen dag, olles es gezeid en gedoan, achter goan en stoan, achter zwoare verloan, achter 't regeln van zoaken, en 't vervulln van toaken, achter een gore dosis realiteit te smoaken, achter leute te moakn, en achter gjille flassn kortendrank te kroaken, achter zjivvern en doen en in de zunne te bloaken, achter nummers te moaken, achter sampels en beats, en tekstn te broaken

we zin oljinne, tes zo tristig oe oljinne damme wel ni zin, we zin oljinne,
zo gjil oljinne, siske de rat es zo oljinne niet, zo vrid oljinne

ik e nbesten job van gjil de wereld, en tes nog ni wel, ik wille actie kerle woar kundje da bestelln
ik zoe ni meugen kloagn moa kan der ni andoen, ik zoe ni meugn zoagn, want komme verre groen, zjivvern, vervelinge, dood en verderf, lachen en skrijm deur bjin en merg, alcohol, koaters, pillerie en woater, tgoater ip achteruit, zeg mie, wie boater,

oaj in de studio zit, oan ze ip uj vingers kikkn, oaj noa skoole goat, ip de vlucht vo flikkn,
oaj de lotto wint, oaj ne bank beroofd,
oat nu vriest of rinnt, of oaj trouw beloofd
zels ol zij getrouwd, zels ol zij geskid, oaj gie kreefte fret, of e stutte brid, oaj ne solo speelt, of in uj bedde slapt, of oaj segrittn dieft, en ge wird betrapt

we zin oljinne, tes zo tristig oe oljinne damme wel ni zin, we zin oljinne,
zo gjil oljinne, siske de rat es zo oljinne niet, zo vrid oljinne

ol zije me 10 of 100, 100 of 1000 ge zit oljinne, tes ni omdakkik dikkils lache dakket toch ni mjinne, en kgeve toe dat goe zoe komn de kanse es klinne, en atter ni gebeurd ton kant zin dak verstjinne, enfin joat, kzegget moar, dit en dat, kwupt mie moa, in feite est ol moar blablabla, si en la, en wirrik later gecovered deur jin of ander hoai, willik een graf woar datter plekke is voor in te droajn

in stoat van gezegend, in stoat van ontbeirn,
in stoat van ontnuchtern, in stoat van u weirdn,
in stoat van ontslegen, in stoat van failliet,
in stoat van verzwiggn, in stoat van weed,
onder invloed van drugs, onder invloed van drank,
onder invloed van seks, int gesticht gjille krank
of in stoat voa te lwuppn pertetotal in de gank
onder invloed van koater, zundagnuchtend ziej mie mank

we zin oljinne, tes zo tristig oe oljinne damme wel ni zin, we zin oljinne,
zo gjil oljinne, siske de rat es zo oljinne niet, zo vrid oljinne

joa, inderdoad willy's, we in oljinne ollemolle ip de wereld, tes zo tristig, we kunn der ni andoen, we zin geboren en ton goame dood,
einde.

Encontrou algum erro na letra? Por favor, envie uma correção >

Compartilhe
esta música

Ouça estações relacionadas a 't Hof Van Commerce no Vagalume.FM

Mais tocadas de 't Hof Van Commerce

ESTAÇÕES
ARTISTAS RELACIONADOS