Kummst uma 8e is de Hüttn a Kasern.
Kummst uma 9e bist auf an aundan Stern.
Jetzt is des Liacht au, jetz promeniert de Woa,
jetzt rennt es Gschäft: Schatzi, kumm bleib do!
Und wos stehbleibt, de bleibn a do,
weu jedn dea do heageht dem GEHT DAHAM WOS O.
Foat vua da Herr Direkta, parkt diskrekt am Eck.
Sticht ei da Herr Student, wann ers dapeckt.
Es kumman da Banker, da Anwalt, de Heh.
Kana geht vuabei, jeda bleibt do steh.
Kana kau Na sogn, weu es is afoch a so:
An jedn dea do heageht dem GEHT DAHAM WOS O.

Da ane braucht an Zuspruch, da andre Disziplin,
an fehln Straps und Leder, ana wiad zua Queen.
Des woa nie anders ois wia heit.
Se kumman und dann gengans noch ana Zeit.

Da Blade wart auf d´Gabi, de kann ois wos ea wü.
De Rikki und ihr Stammgast spün ihr gfährlichs Spü.
Kana kummt umasunst, kana geht wia ea woa,
und draußn rennt da Schmäh: Schatzi, kumm, bleib do.
Und de wos stehbleibn, de bleibn a do,
weu jedn dea do heageht dem GEHT DAHAM WOS O.