Iech bin neet zoe bikkelhèl es diech dachs
Iech weit dees verklaoring vilt hiel oonverwachs
Diech dachs zeker tot iech diech neet zaog stoon
Mè leefste mit tiech wil iech weijer goon
Mien geveules veur diech, die lègk iech noe bloet
't Heet lang gedoord, mè dat kin gein koed
Diech dachs zeker tot iech diech neet zaog stoon
Mè mit tiech wil iech weijer goon

Wals mit miech roond en loer miech ins aon
Iech höb gein kapsones, bin ouch neet vaan staol
Wals mit miech roond bei 't leech vaan de maon
Iech daon diech `n veurstèl, spreek heldere taol
Mien erm um diech, dien sjouwers tege miech
Diech en iech, veer kinne 't aon
Iech höb gein kapsones, bin ouch neet vaan staol
Wals mit miech bei 't leech vaan de maon

Noe iech höb vertèld tot iech väöl um diech geef
Raak iech bei dees wals hielemaol op dreef
Iech bin zoe gelökkig, raak neet oet de pas
Loer miech ins aon, pak miech stevig vas
Dit hiel sjoen momint vergeet iech neet
't Orkes speult eus favoriete leed
Iech bin zoe gelökkig, raak neet oet de pas
Loer miech aon, pak miech stevig vas

Wals mit miech roond en loer miech ins aon
Iech höb gein kapsones, bin ouch neet vaan staol
Wals mit miech roond bei 't leech vaan de maon
Iech daon diech `n veurstèl, spreek heldere taol
Mien erm um diech, dien sjouwers tege miech
Diech en iech, veer kinne 't aon
Iech höb gein kapsones, bin ouch neet vaan staol
Wals mit miech bei 't leech vaan de maon