Twee dansende strepe in 't duustere zwart
'n Klein kwarteer dan hef e et ehad
'n Rundjen um't karkhof, dan nog de brugge
't Hemd dat plekt m an de rugge
't Blood dat jög 'm deur de kop
Maor Toone geet deur hee gef 't neet op

Ze zeien em lest bi-j wieze van grap
Zeg Toone, ow boek den hunk te slap
De scholders trekt ow te völle naor benee
En met zonne konte köj neet naor de plee
Hee was hierdeur flink an edaon
Zodat hee alle dage in de rondte mot gaon

Toone Toone maak ow niks te done
I-j loopt ow de zaolen van de schone
't Lief dat kraakt en dut ow zeer
Veur een klein betjen minder mo'j heel völle meer

Hee stuitert verdan met vlammen in 't gat
Good veur de longen en good veur 't hart
Glad in 't vel zoas dat heet
Den boek mot weg, da's waor 't um geet
Hee zal zich bewiezen, zeker as wat
Strak in de hoed en strak in 't gat

En elken aovend um een uur of acht
Hef Toone de missie weer mooi volbracht
Et leste stuksken geet deur de stad
De leu mot 'm zeen wat löp e toch hard
't Geet verdan en t volk zegt: 'Sóh
En Toone löp nog altied zienen boek achternao